-
-
-
-
काठमाडौं । भारतमा कोरोना सङ्क्रमण तीव्र रूपमा बढ्न थालेको छ । पछिल्लो २४ घण्टामा भारतमा ३ हजार १६ जनामा कोरोना सङ्क्रमण देखिएको छ । भारतमा दैनिक २.७३ प्रतिशतका दरले संक्रमित बढी रहेको भारतीय संचारमाध्यमले उल्लेख गरेका छन् ।
बुधबार मात्र भारतमा एकै दिनमा २ हजार १ सय ५१ नयाँ संक्रमणका केसहरू रेकर्ड गरिएको थियो । जुन पाँच महिनामा सबैभन्दा उच्च हो ।
यता बढ्दो संक्रमणसँगै नयाँ दिल्लीमा ३ सय नयाँ कोरोना संक्रमित थपिएका छन् । कोरोनाका कारण २ जनाको मृत्यु पनि भएको छ । दिल्लीमा सङ्क्रमण दर १३.८९ प्रतिशत पुगेको छ । दिल्लीमा २१ सय ६० जनामा कोरोना परीक्षणमा ३ सयमा सङ्क्रमण भेटिएको हो ।
भारतमा निरन्तर संक्रमित बढिरहँदा नेपाल पनि सुरक्षित रहन सकेको छैन । नेपालमा कोरोना भाइरसको महामारी दिनानुदिन बढ्दो क्रममा रहेको छ । बिहीबार मात्रै २५ संक्रमित थपिएका छन् ।
