-
-
-
-
काठमाडौं । रामनवमी पर्वमा टेलनगरस्थित शिव मन्दिरमा भएको दुर्घटनामा मृत्यु हुनेको संख्या ३५ पुगेको छ ।
इन्दोरको बेलेश्वर महादेव झुलेलाल मन्दिरमा भीडको भार थाम्न नसक्दा स्ल्याब भत्किएर दुर्घटना भएको थियो ।
१२ बजेदेखि राति डेढ बजेबीच थप १६ जनाको शव निकालिएको थियो।
अहिले पनि उद्धार कार्य जारी रहेको भारतीय सञ्चारमाध्यमले जनाएका छन् । सेना उद्धारमा जुटेको छ ।
बिहीबार मन्दिरमा हवन-पूजनको आयोजना गरिएको थियो, जसमा धेरै भक्तहरू सहभागी हुन पुगेका थिए।
यसैबीच मन्दिरको भुईँ तलाको स्लेव खसेको थियो । जसका कारण ६० भन्दा बढी मानिस पानी भएको स्थानमा खसेका थिए ।
सो इनार करिब ४० फिट गहिरो रहेको छ । जसमा धेरै पानी पनि भरिएको छ ।
प्रहरीले स्थानीय बासिन्दाको सहयोगमा डोरीको सहायताले मानिसलाई इनारबाट बाहिर निकालेको थियो ।
उनीहरू भगवान् रामको आरतीको तयारी भइरहेको समय खसेका हुन् ।
मन्दिरका पुजारी लक्ष्मीनारायण शर्माका अनुसार हवन सधैँ बाहिर हुने भए पनि यसपटक नयाँ मन्दिर बनिरहेकाले भित्रै भएको थियो।
उनको समेत पानीबाट उद्धार गरिएको थियो ।
