-
-
-
-
काठमाडौं । अमेरिकाको टेक्सास राज्यमा ट्रकको ठक्करमा परी एक नेपाली महिलाको मृत्यु भएको छ । रक्डेल सिटीनजिकै बिहीबार साँझ ट्रकले ठक्कर दिएपछि घाइते भएकी प्रमिला सुवेदीको निधन भएको हो ।
उनी एनआरएन आईसीसीको अमेरिकाका क्षेत्रीय उपसंयोजक रामकुमार सुवेदीकी धर्मपत्नीसमेत हुन् । रक्डेल सिटीनजिकै छोरालाई विश्वविद्यालय पुर्याएर फर्किने क्रममा प्रमिलाले आफैले चलाएको कारलाई बिहीबार साँझ ट्रकले ठक्कर दिएको थियो ।
ट्रकको ठक्करवाट घाइते ४७ वर्षीया सुवेदीको घटनास्थलमै मृत्यु हुनु पुगेको जनाइएको छ । दुई दशकदेखि सुवेदी दम्पत्ति अमेरिकाको टेक्सासमा बस्दै आएका थिए ।
उनीहरुको सन्तानको रुपमा दुई छोराहरु रहेका छन् ।
