-
-
-
-
काठमाडौं । स्पेनिश ला लिगा फुटबल क्लब रियाल मड्रिडले स्पेनिश कोपा डेल रेको उपाधि जितेको छ । फाइनलमा ओसासुनालाई २–१ ले पराजित गर्दै रियाल नौ वर्षपछि च्याम्पियन बनेको हो ।
सेभियामा शनिबार राति भएको खेलमा ब्राजिलियन युवा विंगर रोड्रिगोले गरेको दुवै गोलको मद्धतले रियाल च्याम्पियनप हुन सफल भएको हो ।
खेल शुरु भएको पहिलो १०६ सेकेन्डमै रोड्रिगोले गोल गर्दै रियाललाई १–० को अग्रता दिलाएका थिए । यति छोटो समयमा गोल भएको यो पहिलो रेकर्ड पनि हो ।
कोपा डेल रेको फाइनलको इतिहासमा १७ वर्षअघि मात्रै यति छिटो गोल हुन सकेको थियो । पहिलो हाफको खेल १–० मा नै टुंगिन पुगेको थियो ।
५८औं मिनेटमा ओसासुनाका लुकास टोरोले गोल गर्दै खेललाई १–१ गोलको बराबरी बनाए । तर ७०औं मिनेटमा रोड्रिगोले व्यक्तिगत र टोलीका लागि दोस्रो गोल गर्दै रियाललाई २–१ को जित दिलाउन सफल भए ।
रियालले यसअघि अन्तिम पटक सन २०१४ मा कोपा डेल रेको उपाधि जितेको थियो । रियालको यो २० औं कोपा डेल रे उपाधि हो ।
