काठमाडौं । डिजेलको मूल्य घटेसँगै लामो दूरीका सवारीसाधनको भाडामा मूल्य पनि घटेको छ । यातायात व्यवस्था विभागतका अनुसार जेठ २ गते रातिबाट डिजेलको मूल्य घटेपछि आजैदेखि लागु हुने गरी दुई वा सोभन्दा बढी प्रदेशमा सञ्चालन हुने सार्वजनिक यातायातको भाडादर स्वचालित प्रणाली अनुसार घटाइएको हो ।
यात्रुवाहक सवारीमा ३.२ प्रतिशतले घटेको छ भने पहाडी बाटोमा सञ्चालन हुने मालवाहक सवारीमा ४.१९ प्रतिशत र तराईको बाटोमा सञ्चालन हुने मालवाहक सवारीमा ४.६५ प्रतिशतले भाडा घटेको यातायाता ब्यवस्था बिभागले जनाएको छ ।
नेपाल आयल निगमले गए मध्यरातिबाट लागू हुने गरी डिजेल र मट्टितलको मुल्य घटाएको थियो । निगमका अनुसार डिजेल र मट्टितेलको १० रुपैयाँ मुल्य घटेको छ ।
इन्डियन आयाल कर्पोरेशन (आईओसी) ले हिजोदेखि लागू हुने गरी मुल्य घटेर आएको भन्दै आयल निगमले डिजेल र मट्टितेलको मुल्य घटाएर १५५ रुपैयाँ कायम गराएको हो । यसअघि डिजेल र मट्टितेलको खुद्रा मुल्य १६५ रुपैयाँ रहेको थियो ।
तर, ‘पेट्रोल, हवाई इन्धन, एलपी ग्याँसको खुद्रा मुल्य भने हाललाई यथावत नै राखिएको’ निगमले जनाएको छ ।
जसअनुसार पेट्रोल १७५ रुपैयाँ, हवाई इन्धन (आन्तरिक) १६० रुपैयाँ, हवाई इन्धन (बाहय) १.३५ अमेरिकी डलर, एलपी ग्याँस १८ सय रुपैयाँ कायमै रहेको निगमले जनाएको छ ।
