उपचारपछि चन्द्र भण्डारी पहिलो पटक संसदमा [फोटोफिचरसहित]
हाम्रा कुरा
प्रकाशित २०८० जेठ १० बुधबार
1.1k
Shares
काठमाडौं । नेपाली कांग्रेसका सांसद डा. चन्द्र भण्डारी आगलागीमा परी गम्भीर भएर उपचारपछि पहिलो पटक बुधबार संसदमा पुगेका छन् । उनी गत फागुन ३ गते निवासमा ग्यास लिक भइ आगलागीमा परेका थिए ।
उनको फागुन ४ गतेदेखि बैशाख १७ गतेसम्म भारतको मुम्बईस्थित नेशनल बर्नस् अस्पतालमा उपचार गरिएको थियो । बैशाख १७ गते स्वदेश फर्किए पनि उनी संसदमा भने जान सकेका थिएनन् ।
पहिलो पटक बुधबार संसदमा पुगेका उनले गम्भीर विषय उठान गरे । उनले अहिले आफ्नो देश धेरै कुरामा पछि परेको बताउँदै इच्छाशक्ति हुने हो भने यसलाई सुधार गर्न सकिने बताए ।
सांसद भण्डारीले गाउँगाउँमा विज्ञान र प्रविधिका उपलब्धि पुर्याए पनि त्यसको प्रयोगबारे सिकाउन नसकिएको बताउँदै यी विषयहरू पाठ्यक्रम बनाएर लागू गर्नुपर्नेमा जोड दिए ।
उनले जनताको वास्तविक समस्या भने सांसदहरूले पहिचान गर्न नसकेको गुनासो गरे ।
