-
-
-
-
काठमाडौं । काठमाडौंमा जारी एनएससी–काभा अन्तर्राष्ट्रिय महिला भलिबल प्रतियोगितामा नेपाल तेस्रो भएको छ । आइतबार भएको तेस्रो स्थानको भिडन्तमा नेपालले उज्वेकिस्तानलाई पराजित गर्यो ।
त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा भएको खेलमा नेपाल ३–१ ले जित्न सफल भएको हो ।
नेपाल २०–२५, २५–१६, २५–१५ र २५–१३ को सेटमा विजयी भएको हो ।
आठ टोलीले सहभागीता जनाएको प्रतियोगिताको उपाधिका लागि फाइनलमा भारत र काजकिस्तान खेल्दै छन् ।
सेमिफाइनलमा नेपाल काजखस्तानसँग र पराजित भएको थियो । भारतले उज्वेकिस्तानलाई हराएको थियो ।
यसअघिका दुवै संस्करण नेपालले जितको थियो । तर असअघिका प्रतियोगितामा भारत र काजखस्तान थिएनन् ।
आठ टिममध्ये श्रीलंका पाँचौँ, कीर्गिस्तान छैटौँ, माल्दिभ्स सातौँ र बंगलादेश आठौँ भएको छ ।
