-
-
-
-
काठमाडौ । विश्व रक्तदाता दिवसको अवसर पारेर आयोजित कार्यक्रममा एक सय २१ जनाले रक्तदान गरेका छन् ।
नेपाल मानव धर्म सेवा समिति, काठमाडौंले आयोजना गरेको रक्तदान कार्यक्रममा एक सय २१ जनाले रक्तदान गरेका हुन् ।
शनिबार समितिको केन्द्रिय अश्रम गौशालमा सम्पन्न रक्तदान कार्यक्रममा नेपाल मानव धर्म सेवा समितिका आध्यात्मिक व्यक्तिका साथै अन्य व्यक्तिहरूले पनि रक्तदान गरेका थिए ।
रक्तदान जीवन दान भन्ने मूल मन्त्रलाई आत्मासाथ गर्दै रक्तदान कार्यक्रम सञ्चालन गरिएको समितिकी केन्द्र प्रमुख महात्मा चमेली वाइजीले बताइन् ।
पछिल्लो चरणमा रगतको अभाव बढ्दै गएको र रक्तदानका बारेमा चेतानाको पनि कमी भएका कारण बेलाबेलामा आयोजना हुने रक्तदान कार्यक्रमले चेतना जगाउनुको साथै रगतको कमी पूरा गर्न पनि सहयोग पुग्ने महात्मा चमेली वाइजीले बताइन् ।
