-
-
-
-
काठमाडौँ । एन्फा यू १६ लिग फुटबल असार ३० गतेदेखि आयोजना हुने भएको छ । अखिल नेपाल फुटबल संघ (एन्फा) ले आइतबार यू–१६ लिग असार ३० बाट शुरु हुने जनाएको हो ।
एन्फाले ए डिभिजन लिग क्लबसँगको छलफलपछि लिगको नयाँ मिति तय गरिएको जनाएको छ । यसअघि यू–१६ लिग असार २३ गतेबाट शुरु हुने बताइएको थियो ।
क्लबहरूले मंगलबारसम्म आफ्ना टोलीहरू दर्ता गर्नुपर्नेछ भने असार २४ सम्म खेलाडी दर्ता गर्नु पर्नेछ ।
लिगको खेल तालिका असार २५ मा सार्वजनिक गरिनेछ ।
लिगका खेलहरु शुक्रबार वा शनिबार अथवा सार्वजनिक बिदाको दिन खेलाइनेछ।
