दार्चुला । दार्चुलाका ९ वटा स्थानीय तहमध्ये ८ वटा स्थानीय तहले आगामी आर्थिक वर्ष २०८०–०८१ का लागि बजेट ल्याएका छन् । शैल्यशिखर नगरपालिका बाहेकका ८ स्थानीय तहहरुले बजेट ल्याएका हुन् ।
नीति तथा कार्यक्रम ल्याइसकेको शैल्यशिखर नगरपालिकाले बजेट भने सार्वजनिक गरेको छैन । जिल्लाको महाकाली नगरपालिकाले ६३ करोड २३ लाख ९७ हजार ६६० रुपैयाँको बजेट ल्याएको छ ।
यस्तै मालिकार्जुन गाउँपालिकाले ५९ करोड १३ लाख ६४ हजार बराबरको बजेट ल्याएको छ भने लेकम गाउँपालिकाले ४८ करोड ९७ लाख ५७ हजार ४ सयको बजेट ल्याउँदा दुहुँ गाउँपालिकाले ३६ करोड ४ लाख ७० हजारको बजेट ल्याएको छ ।
यस्तै जिल्लाको अपिहिमाल गाउँपालिकाले ३० करोड ५० लाख ९७ हजार बराबरको बजेट ल्याएको छ भने नौगाड गाउँपालिकाले ४० करोड ७६ लाख ४७ हजार ५०० बराबरको बजेट ल्याएको छ ।
त्यसैगरी व्याँस गाउँपालिकाले ३८ करोड ४५ लाख २४ हजारको बजेट ल्याएको छ भने मार्मा गाउँपालिकाले ४० करोड ३३ लाख ६१ हजार बराबरको बजेट ल्याएको छ ।
स्थानीय सरकार सञ्चालन ऐन, २०७४ को कानुनी व्यवस्था अनुसार असार १० गते भित्र बजेट पेश गरिसक्नुपर्छ ।
