-
-
-
-
काठमाडौँ । साउन ३ गते नियन्त्रणमा लिइएको करिब सय किलो सुन तस्करी प्रकरणका कारण एमालेले संसद बैठक बस्न दिएको छैन । प्रमुख प्रतिपक्ष दल एमालेले छानबिनका लागि उच्चस्तरीय समिति गठन नगरेसम्म प्रतिनिधि सभाको बैठक बस्नै नदिने अडान लिएको छ ।
दिउँसो १ बजेका लागि बोलाइएको प्रतिनिधि सभा बैठक सोही कारण यो समाचार तयार पार्दासम्म दिउँसो २ः४० सम्म पनि ञ्चालन हुन सकेको छैन ।
संसद्को गतिरोध हटाउन भन्दै प्रधानमन्त्री पुष्पकमल दाहाल ‘प्रचण्ड’ले सोमबारै बिहान प्रमुख प्रतिपक्ष दल एमालेका अध्यक्ष केपी शर्मा ओलीसँग छलफल गरेका थिए ।
त्यस्तै सोमबारै प्रचण्डले राजनीतिक दलका प्रमुख सचेतकहरूसँग पनि छलफल गरेका थिए । त्यो छलफलपछि पनि सहमति जुट्न नसकेको हो ।
संसद चालु गर्न गृहमन्त्री नारायणकाजी श्रेष्ठले सभामुख देवराज घिमिरेसँग लछफल गरे पनि समस्याको समाधान निस्केन ।
यसअघि गत साउन १० गते बसेको बैठक पनि एमालेले अगाडि बढ्न नदिएपछि आजका लागि तोकिएको थियो ।
