-
-
-
-
काठमाडौं । एक किशोरीलाई बलात्कार गरेको आरोप लागेका क्रिकेटर सन्दीप लामिछाने बिरुद्धको जबरजस्ती करणीको मुद्दामा आजबाट सुनुवाइ हुँदैछ ।
काठमाडौं जिल्ला अदालतमा आज पेशी रहेको छ । लामो समयदेखि पेशी चढेर स्थगित भएको मुद्दामा आज भने अन्तिम सुनुवाइ हुने बताइएको छ ।
१८ वर्षभन्दा कम उमेरकी महिला (किशोरी) माथि करणी गरेको कसुरमा सन्दीपलाई १२ वर्ष कैद सजायको माग दाबी गरिएको छ ।
सन्दीपविरुद्ध मुलुकी अपराध संहिता, २०७४ को परिच्छेद १८ को करणीसम्बन्धी कसुरको दफा २१९ को उपदफा (३) को देहाय (घ) अन्तर्गतको कसुर गरेको अभियोग लगाइएको छ । उक्त कसुरअन्तर्गत १६ वर्षभन्दा बढी १८ वर्षभन्दा कम उमेरकी महिलालाई करणी गरेमा १० देखि १२ वर्षसम्म कैद सजाय हुने व्यवस्था छ ।
