राजकीय सम्मानसहित नेम्वाङको शव च्यासलमा [तस्बिरसहित]

हाम्रा कुरा

प्रकाशित २०८० भदौ २६ मंगलबार

काठमाडौँ । संविधान सभा अध्यक्ष, एमाले उपाध्यक्ष एवं सांसद सुवासचन्द्र नेम्वाङको पार्थिव शरीरलाई एमाले पार्टी कार्यालय च्यासल लगिएको छ ।

शिक्षण अस्पतालमा रहेको नेम्वाङको पार्थिव शरीरलाई आज दिनभर एमाले मुख्यालय च्यासलमा राखिने भएको छ । राजकीय सम्मानसहित उनको शव च्यासल लगिएको हो ।

नेम्वाङका दुई छोरामध्ये एक अष्ट्रेलियामा र अर्का बेलायतमा रहेका कारण उनीहरू फर्केपछि मात्रै नेम्वाङको अन्तिम संस्कार हुनेछ ।

कान्छा छोरा अष्ट्रेलियाबाट आजै मध्यरातिपछि नेपाल फर्कदैछन् भने बेलायतबाट जेठा छोरा भोलि साँझसम्म आउँदैछन् ।

नेम्वाङको राजकीय सम्मानका साथ अन्त्येष्टि गरिनेछ । उनको अन्तिम संस्कार मुन्धुम संस्कृतिअनुसार पूजाआजा गरेर गरिने छ । नेम्वाङको गए राति आफ्नै निजी निवास बालुवाटारमा हृदयाघात भएको थियो ।

नेम्वाङको निधनमा शोक मनाउन अन्तिम संस्कार हुने दिन सार्वजनिक बिदा दिने निर्णय गरेको छ ।