-
-
-
-
काठमाडौँ । राष्ट्रिय प्रजातन्त्र पार्टी (राप्रपा) ले आज राजधानीमा विरोध प्रदर्शन गरेको छ । राप्रपाले राष्ट्रिय जनावर गौहत्या गरिएको विरोधमा काठमाडौँमा प्रदर्शन गरेको हो ।
राप्रपाले गौहत्याको विरोध गर्न, सामाजिक सद्भाव कायम गर्न, हिन्दू राष्ट्र र राजसंस्थाको पुनः स्थापना, सङ्घीयता खारेजी, भ्रष्टाचार नियन्त्रण, भ्रष्टाचार काण्डहरूको पूर्ण छानबिन, सुशासनको प्रत्याभूति, शिथिल अर्थतन्त्रमा सुधार र स्वदेशमा रोजगारी सिर्जना, मूल्यवृद्धि नियन्त्रण गरी जनतालाई राहत प्रदान गरिनुपर्ने लगायतका विषयमा सरकारविरुद्ध प्रदर्शन गरेको हो ।
आन्दोलनमा राप्रपासहित विभिन्न धार्मिक सङ्घ, सङ्गठनहरूको पनि सहभागीता रहेको थियो । सिंहदरबारलाई केन्द्रविन्दु बनाएर वरिपरि राप्रपाले विरोध जुलुस निकालेको हो ।
तस्बिर भृकुटीमण्डप आसपासका हुन् ।
