-
-
-
-
काठमाडौँ । बलात्कार आरोपी राष्ट्रिय क्रिकेट टिमका खेलाडी सन्दीप लामिछाने विरुद्धको मुद्दाको आज हुने भनिएको सुनुवाइ स्थगित भएको छ । जिल्ला अदालत काठमाडौँमा सोमबार सुनुवाइ हुने भनिएको थियो । तर न्यायाधीशको बढुवा, सरुवा र हरितालिका तीजका कारण सोमबारको सुनुवाइ स्थगित भएको हो ।
बलात्कार अभियोग लागेको सन्दीपविरुद्ध मुद्दाको सुनुवाइको अर्को मिति तोकिएको छैन । सो मुद्दाको सुनुवाइ विभिन्न कारण देखाउँदै स्थगित हुँदै आएको छ भने फैसलाका लागि सुनुवाइ हुन सकिरहेको छैन ।
उनीमाथि गत वर्षको भदौ २१ गते नाबालिग करणीको मुद्दा परेको थियो । भदौ २३ गते नै काठमाडौँ जिल्ला अदालतले पक्राउ पुर्जी जारी गरेको थियो ।
यति संवेदनशील विषयमा पनि अदालतबाट फैसला नहुँदा पीडितले भने थप पीडा भोग्नु परेको छ ।
