-
-
-
-
काठमाडौं । भारतले चन्द्रमामा पठाएको चन्द्रयान-३ को ल्यान्डर र प्रज्ञान रोभरसँग सम्पर्क टुटेको छ ।
भारतीय अन्तरिक्ष वैज्ञानिकका अनुसार ल्यान्डर बिउँतिने सम्भावना क्षीण हुँदै गएको बीबीसीले उल्लेख गरेको छ ।
इसरोलो विक्रम ल्यान्डर र प्रज्ञान रोभरसँग उनीहरूको सक्रिय अवस्था पत्ता लगाउन सञ्चार स्थापना गर्ने प्रयास जारी राखेको छ ।
अहिले उनीहरूको तर्फबाट कुनै सङ्केत आएको छैन । तर पनि वैज्ञानिकहरूले सम्पर्क कायम गर्ने प्रयास जारी छ।
चन्द्रमामा रात परेपछि विक्रम नामक ल्यान्डर र भारतीय अन्तरिक्ष निकायको सम्पर्क भङ्ग भएको थियो।
चन्द्रमामा एक दिन र एक रात दुवै पृथ्वीका १४ दिन बराबर हुन्छन्।
इसरोले सेप्टेम्बर ४ मा ल्यान्डरलाई स्लीप मोडमा राखेको थियो।
यसअघि सेप्टेम्बर २ मा, रोभरलाई स्लीप मोडमा राखिएको थियो ।
उक्त ल्यान्डर र प्रज्ञान रोभरबाट कुनै सङ्केत प्राप्त हुन नसकेको हो।
