- सुन चाँदी दर
- विनिमय दर
- नेपाली पात्रो
- राशिफल
दार्चुला । दार्चुलामा म्याद नाघेका र बेवारिसे अवस्थामा रहेका विष्फोटक पदार्थ नष्ट गरिन लागिएको छ । जिल्ला प्रहरी कार्यालय दार्चुलाको आम्दानीमा रहेका र बेवारिसे अवस्थाका म्याद गुज्रेका विष्फोटक पदार्थहरु नष्ट गरिन लागिएको हो ।
उक्त विष्फोटक पदार्थ महाकाली नगरपालिका ६ स्थितको नेपाली सेनाको फायरिङ रेन्जमा कालीरक्षा गण बडैपुर, कैलालीको डिस्पोजल टोलीले नष्ट गर्ने जिल्ला प्रहरी कार्यालय दार्चुलाले जनाएको छ ।
आजदेखि चार दिन (असोज १६,१७,१८ र १९ गते) विष्फोटक पदार्थ नष्ट गरिने बताइएको छ । यसैबीच विष्फोटक पदार्थ नष्ट गरिन लागिएको भन्दै महाकाली नगरपालिकाले एक सूचना जारी गर्दै उक्त अवधिभर सो क्षेत्रमा मानिस तथा चौपायाहरुको आवतजावत निषेध गरिएको जनाएको छ ।