-
-
-
-
काठमाडौँ । विश्वकप एक दिवसीय क्रिकेटमा अहिलेसम्म ४९ बलमा मात्रै शतक बन्न सकेको छ । त्यो कीर्तिमान दक्ष्णि अफ्रिकी खेलाडी एडिन मार्करमले राखेका छन् ।
उनले भारतमा जारी विश्वकप अन्तर्गत शनिबारको खेलमा श्रीलंकाविरुद्ध ४९ बलमा शतक प्रहार गरेका हुन् । सन् १९७५ देखि चलिरहेको विश्वकपमा कम बलमा शतक बनाउने रेकर्ड मार्करमले राखेका हुन् ।
यसअघि यो कीतिृमान केभिन ओ’ब्राइनका नाममा रहेको थियो । उनले ५० बलमा शतक बनाएका थिए । त्यस्तै व्लेन म्याक्सवेलले ५१ बलमा, एबीडे भिडियर्सले ५२ बलमा तथा ओइन मोर्गानले ५७ बलमा शतक बनाएका छन् ।
