- सुन चाँदी दर
- विनिमय दर
- नेपाली पात्रो
- राशिफल
काठमाडौँ । भारतमा जारी विश्वकप एक दिवसीय क्रिकेटमा सबैभन्दा कमजोर मानिएको टिम नेदरल्याण्ड्सले न्यूजिल्याण्डविरुद्ध कीर्तिमानी मेडन राखेको छ ।
हैदराबादमा जारी खेलमा पहिले बलिङ गरेको नेदरल्याण्ड्सले शुरुआती तीन ओभर मेडन ओभर फ्याँक्दै रेकर्ड राखेको हो ।
यसअघि सन् १९७५ को पहिलो संस्करणमा पनि तीन ओभर मेडन भएको थियो ।
१० टिम सहभागी विश्वकपमा आजदेखि दोस्रो चरण शुरु भएको छ । न्यूजिल्याण्डले नेदरल्याण्ड्सविरुद्ध सर्वाधिक योगफल जोड्न सक्ने आँकलन गरिए पनि शुरुआती तीन ओभर मेडन बेहोरेको हो ।
यसअघि पहिलो खेलमा न्यूजिल्याण्ड विजयी हुँदा नेदरल्याण्ड्स भने पराजित भएको थियो ।
अहिलेसम्मको खेलको नतिजा
–पहिलो खेलमा न्यूजिल्याण्डले साविक विजेता इङ्गल्याण्डलाई ९ विकेटले हरायो ।
–दोस्रो खेलमा पाकिस्तानले नेदरल्याण्ड्सलाई ८१ रनले हरायो ।
–तेस्रो खेलमा बंगलादेशले अफगानिस्तानलाई ६ विकेटले हरायो ।
–चौथो खेलमा दक्षिण अफ्रिकाले श्रीलंकालाई १०२ रनले हरायो ।
– पाँचौँ खेलमा भारतले अष्ट्रेलियालाई ६ विकेटले हरायो ।
अक्टोबर ५ तारिख (असोज १८ गते) देखि शुरु भएको डेढ महिनासम्म चल्ने विश्वकपमा १० टिम सहभागी रहेका छन् । एक आपसमा खेलेपछि अंक तालिकाको शीर्ष चारमा रहने टिम सेमिफाइनलमा पुग्ने छन् ।
अंक तालिका
२ अंकसहित न्यूजिल्याण्ड, दक्षिण अफ्रिका, पाकिस्तान, बंगलादेश र भारत क्रमशः पहिलोदेखि पाँचौँ स्थानमा छन् ।
अष्ट्रेलिया, अफगानिस्तान, नेदरल्याण्ड्स, श्रीलंका र इङ्गल्याण्डले खाता खोलेका छैनन् ।