-
-
-
-
काठमाडौँ । भारतको निर्वाचन आयोगले भारतका पाँच राज्यमा विधानसभा चुनावको घोषणा गरेको छ । आयोगले सोमबार मध्यप्रदेश, राजस्थान, छत्तीसगढ, तलंगाना र मिजोरममा निर्वाचन गर्ने घोषणा गरेको हो ।
पाँच राज्यमा चुनावी प्रक्रिया २७ दिन चल्ने भएको छ । छत्तीसगढमा ७ र १७ नोभेम्बरमा, मिजोरममा १७ नोभेम्बरमा र मध्यप्रदेशमा पनि १७ नोभेम्बरमै मतदान हुनेछ ।
राजस्थानमा २३ नोभेम्बरमा र तेलंगानामा ३० नोभेम्बरमा मतदान हुनेछ । छत्तीसगढमा ९०, मिजोरममा ४०, मध्यप्रदेशमा २३०, राजस्थानमा २०० तथा तेलंगानामा ११९ सिटका लागि चुनाव हुन लागेको हो ।
सबै राज्यको मतपरिणाम ३ डिसेम्बरमा आउने भएको छ । हाल मध्यप्रदेशमा भाजपाको, राजस्थान र छत्तीसगढमा कांग्रेसको, तेलंगानामा केसीआरको तथा मिजोरममा मिजो नेशनल फ्रन्ट सत्तामा छ ।
