- सुन चाँदी दर
- विनिमय दर
- नेपाली पात्रो
- राशिफल
काठमाडौँ । भारतमा जारी विश्वकप एक दिवसीय क्रिकेटमा इङ्गल्याण्डले फराकिलो योगफल जोडेको छ । इङ्गल्याण्डले बंगलादेशविरुद्ध धर्मशालामा भइरहेको खेलमा ९ विकेटको क्षतिमा ३६४ रन बनाएको छ ।
जारी विश्वकपमा दक्षिण अफ्रिकाले श्रीलंकाविरुद्ध ४२८ रन बनाएको थियो । इङ्गल्याण्डका लागि डाविड मलानले १०७ बलमा १४० रन बनाए । जारी विश्वकपको यो व्यक्तिगततर्फ सर्वाधिक रन हो ।
त्यस्तै जो रुटले ६८ बलमा ८२ तथा जोनी बेयरस्ट्रले ५२ रन बनाए । मेहन्दी हसनले ४ तथा शोरफुल इस्लामले ३ विकेट लिए ।
इङ्गल्याण्ड पहिलो जितको खोजीमा रहेको छ । उद्घाटन खेलमा साविक विजेता इङ्गल्याण्ड उपविजेता न्यूजिल्याण्डसँग ९ विकेटले पराजित भएको थियो ।
बंगलादेशले अफगानिस्तानमाथि ६ विकेटको जितसहित ठोस शुरुआत गरेको थियो । आजको खेल जितेर इङ्गल्याण्ड लयमा फर्कन चाहन्छ भने बंगलादेश जितसहित सेमिफाइनल यात्रालाई बलियो बनाउन चाहन्छ ।
आजको अर्को खेल
आजको अर्को खेलमा अहिले पाकिस्तान र श्रीलंका खेलिरहेका छन् । खेल हैदराबादमा भइरहेको छ । टस जितेर श्रीलंकाले पहिले ब्याटिङ गरिरहेको छ ।
पाकिस्तानले पहिलो खेलमा नेदरल्याण्ड्सलाई ८१ रनले हराएको थियो भने श्रीलंका दक्षिण अफ्रिकासँग १०२ रनले पराजित भएको थियो ।
यो खेल जितेर पाकिस्तानले आफ्नो लयलाई निरन्तरता दिन चाहन्छ भने श्रीलंका पछिल्लो कीर्तिमानी हारबाट मुक्त हुन चाहन्छ ।
अहिलेसम्मको खेलको नतिजा
–पहिलो खेलमा न्यूजिल्याण्डले साविक विजेता इङ्गल्याण्डलाई ९ विकेटले हरायो ।
–दोस्रो खेलमा पाकिस्तानले नेदरल्याण्ड्सलाई ८१ रनले हरायो ।
–तेस्रो खेलमा बंगलादेशले अफगानिस्तानलाई ६ विकेटले हरायो ।
–चौथो खेलमा दक्षिण अफ्रिकाले श्रीलंकालाई १०२ रनले हरायो ।
– पाँचौँ खेलमा भारतले अष्ट्रेलियालाई ६ विकेटले हरायो ।
–छैटौँ खेलमा न्यूजिल्याण्डले नेदरल्याण्ड्सलाई ९९ रनले हरायो ।
अक्टोबर ५ तारिख (असोज १८ गते) देखि शुरु भएको डेढ महिनासम्म चल्ने विश्वकपमा १० टिम सहभागी रहेका छन् । एक आपसमा खेलेपछि अंक तालिकाको शीर्ष चारमा रहने टिम सेमिफाइनलमा पुग्ने छन् ।
अंक तालिका
२ अंकसहित न्यूजिल्याण्ड, दक्षिण अफ्रिका, पाकिस्तान, बंगलादेश र भारत क्रमशः पहिलोदेखि पाँचौँ स्थानमा छन् ।
अष्ट्रेलिया, अफगानिस्तान, नेदरल्याण्ड्स, श्रीलंका र इङ्गल्याण्डले खाता खोलेका छैनन् ।