इजरेलमा रहेका नेपालीहरुको तत्काल उद्धार गरी नेपाल ल्याउन कांग्रेसको माग [भिडियो]

हाम्रा कुरा

प्रकाशित २०८० असोज २३ मंगलबार

काठमाडौं । नेपाली कांग्रेसले इजरेलमा रहेका नेपालीहरुलाई तत्काल उद्धार गरी सुरक्षित रुपमा स्वदेश फिर्ता गर्न सरकारलाई आग्रह गरेको छ ।

मंगलवार नयाँ बानेश्वरस्थित संघीय संसद भवनमा बसेको कांग्रेस संसदीय दलको बैठकले इजरेलमा रहेका नेपालीहरुलाई सुरक्षित रुपमा स्वदेश फर्काउन सरकारलाई आग्रह गरेको हो ।

बैठकपछि सञ्चारकर्मीहरुसँग कुराकानी गर्दै प्रमुख सचेतक रमेश लेखकले नेपाल आउन चाहाने नागरिकहरुलाई तत्काल उद्धार गरेर सुरक्षित स्वदेश फिर्ताको लागि आवश्यक व्यवस्था मिलाउन सरकारलाई आग्रह गरिएको बताए ।

त्यस्तै गरी युद्धमा परि बेपत्ता भएका नेपाली नागरिकहरुलाई खोजि गरेर उनको स्थितिलाई सार्वजनिक गर्न पनि आग्रह गरिएको छ ।

बैठकले इजरेलमा जोखिममा परेका मानिसहरुलाई उद्दार गरेर सुरक्षित स्थानमा राख्न, खान, बस्नको उचित व्यवस्था गर्न र हत्या भएका विद्यार्थीहरुको पार्थिव शरीरलाई तत्काल नेपाल ल्याएर परिवारजनलाई बुझाउन पनि सरकारको ध्यानाकर्षण गराएको छ ।