दशैँमा उपत्यकाबाट भुम्लु जान कांग्रेसले गर्यो निःशुल्क बसको व्यवस्था [फोटोफिचर]
सरोजश्री अधिकारी,
प्रकाशित २०८० कार्तिक ४ शनिबार
984
Shares
भुम्लु । दशैँमा घर फर्कने भुम्लुवासीको लागि नेपाली कांग्रेस भुम्लुले निःशुल्क बसको व्यवस्था गरेको छ ।
कांग्रेसका भुम्लु गाउँपालिका सभापति जितेन्द्रमान तामाङ (दाबा लामा) को नेतृत्वमा काठमाडौँ उपत्यकाबाट गाउँघर जाने सबैलाई निशुल्क बसको प्रबन्ध मिलाइएको हो ।
गाउँपालिका उपाध्यक्षसमेत रहेका तामाङका अनुसार भुम्लुका सबै वडावासी बसमार्फत सहज र निर्धक्क हिसाबले आफ्नो गाउँघर फर्किएका छन् ।
चाडपर्वमा महँगो मोटर भाडा तिर्दासमेत सार्वजनिक बसमा आवतजावत गर्न नसकिने अवस्थामा कांग्रेस भुम्लुले निःशुल्क र व्यवस्थित यात्रा बन्दोवस्त गरेको भन्दै यात्रुहरुले खुशी प्रकट गरे।
‘दशैं खर्चको चपेटामा परेकालाई यात्रा सहज र सस्तो होस् भनेर भुम्लुका सबै नागरिकका लागि सेवाभावले निशुल्क बस व्यवस्थापन गरेका हौँ’, सभापति तामाङले भने ।
यो धेरै सामाजिक संघसस्था र व्यक्तिको सहकार्यमा संचालन गरिएको विशुद्ध परोपकारी काम हो तसर्थ यसलाई राजनीतिक चस्माले नहेर्नसमेत उनले आग्रह गर्दै सहयोगी सबैलाई आभार प्रकट गरेका छन्।
