-
-
-
-
काठमाडौँ । भारतीय क्रिकेट खेलाडी विराट कोहलीले आफ्नो जन्मदिनमा शतक बनाएका छन् । आफ्नो जन्मदिनमा शतक बनाउने उनी पहिलो भारतीय खेलाडी हुन् ।
भारतमा जारी विश्वकपमा दक्षिण अफ्रिकाविरुद्ध इडेन गार्डेनमा भएको खेलमा विराटले शतक बनाउँदै एक दिवसीयको ४९ औँ शतक पूरा गरेका हुन् ।
योसँगै विराटले कीर्तिमानी सचिन तेन्दुलकरको शतकको बराबरी गरेका छन् । उनी जन्मदिनमा शतक बनाउने पहिलो भारतीय र सातौँ विश्वका खेलाडीसमेत बनेका छन् ।
विराट विश्वमै विश्वकपमा १५ सय रन पूरा गरेर चौथो स्थानमा छन् । सचिन तेन्दुलकर२२७८ रनसहित शीर्ष स्थानमा छन् ।
