- सुन चाँदी दर
- विनिमय दर
- नेपाली पात्रो
- राशिफल
काठमाडौँ । भारतको संसदको हिउँदे अधिवेशनको १२ औँ दिन मंगलबार प्रतिपक्षका सांसदहरुको निलम्बनलाई लिएर दुवै सदनमा हंगामा भएको छ । विपक्ष सांसदहरुले सदनदेखि गेट र परिसरमासमेत नाराबाजी र प्रदर्शन गरेका छन् ।
लोकसभा र राज्यसभाको कार्यबाही मंगलबार पनि तीन पटक स्थगित भइसकेको छ । लोकसभामा विपक्षका ४९ सांसदलाई निलम्बन गरिएको छ ।
अहिलेसम्म १४१ प्रतिपक्षका सांसदहरुलाई निलम्बन गरिएको छ । उनीहरुले आगामी सदनको कार्यवाहीमा सहभागिता जनाउन पाउने छैनन् ।
लोकसभाको प्रश्नसूचीबाट २७ प्रशन पनि हटाइएको छ ।
सोमबार ७८ सांसदलाई निलम्बन गरिएको थियो ।
भारत स्वतन्त्र भएपछि पहिलो पटक एकैदिन यतिधेरै संख्यामा सांसदहरु निलम्बित भएका हुन् ।
यसअघि सन् १९८९ मा राजीव गान्धी सरकार भएका बेलामा ६३ सांसद निलम्बित भएका थिए ।
गत साता पनि १४ सांसद निलम्बनमा परेका थिए ।