-
-
-
-
झापा । झापाको बिर्तामोड नगरपालिका ७ गरामनीमा रहेको बेल्स मोडल अंग्रेजी विद्यालयमा हाइड्रोजन सिलिन्डर विष्फोट हुँदा एक जना गम्भीर घाइते भएका छन् ।
स्कुलको वार्षिकोत्सव मनाउने क्रममा सजावटका लागि बेलुनमा हावा भर्ने क्रममा भारतीय नागरिक गणेश सहनी सिलिन्डर विष्फोट भएर सख्त घाइते भएका हुन् ।
जिल्ला प्रहरी कार्यालय झापाले बेलुन फुलाउन ल्याइएको हाइड्रोजन ग्यास सिलिन्डर पड्किएर उक्त दुर्घटना भएको जनाएको छ ।
उक्त ग्यास सिलिन्डर पड्किँदा अन्दाजी ५४ वर्षीय भारतीय नागरिक सहनीको दाहिने खुट्टाको कम्मरमुनीको भाग चुँडिएको प्रहरिले जनाएको छ ।
गम्भीर अवस्थाका घाइते सहनीको बिर्तामोडस्थित बीएण्डसी अस्पतालमा उपचार भइरहेको प्रहरीले जनाएको छ ।
साथै सिलिन्डर पड्किँदा निस्किएको आवाजले सोही विद्यालयमा अध्ययनरत छात्रा कुसुम तामाङको कानमा समस्या आई उपचारका सोही अस्पताल पठाइएको प्रहरीले जनाएको छ ।
उनको अवस्था भने खतरामुक्त रहेको जनाइएको छ ।
