-
-
-
-
काठमाडौँ । भारतीय क्रिकेट खेलाडी विराट कोहली आगामी जुनमा हुने टी–२० विश्वकप क्रिकेटबाट बाहिरिन सक्ने सम्भावना बढेको बताइएको छ । द टेलिग्राफका अनुसार राष्ट्रिय चयन समिति र टीम व्यवस्थापनले कोहलीलाई विश्वकपको टिमबाट हटाउने निर्णय गरेको छ ।
३५ वर्षीय कोहलीलाई इन्डियन प्रिमियर लिग आईपीएलमा उत्कृष्ट प्रदर्शन गरेमात्र विश्वकपको टिममा राख्नेबारे सोच्न सकिने बताइएको छ ।
उनी पछिल्लो दुई महिनादेखि घरबिदामा छन् । उनको दोस्रो सन्तान भएका कारण उनले बिदा लिएका हुन् ।
कोहलीले टी–२० विश्वकपमा अहिलेसम्म २७ खेलमा एक हजार १४१ रन बनाइसकेका छन् ।
विश्वकपमा कोहली नभए उनको स्थान सूर्यकुमार यादव, शुबमन गिल वा रिंकु सिंहले लिन सक्नेछन् ।
कोहलीले अन्तिम अन्तर्राष्ट्रिय खेल गत १७ जनवरीमा अफगानिस्तानविरुद्ध खेलेका थिए ।
