-
-
-
-
काठमाडौँ । नेपाली कांग्रेसको भ्रातृ संगठन नेपाल तरुण दलले आफ्नै भवन बनाउने भएको छ । आफ्नै जग्गा भएको स्थान रवि भवनमा आफ्नै भवन बनाउन लागेको केन्द्रीय सदस्य दिपेन्द्र पोखरेलले बताए ।
उनका अनुसार अहिलेसम्म भवन बनाउनका लागि तरुण दलका २६ केन्द्रीय सदस्यहरुले सहयोग गरेका छन् । अहिलेसम्म ५२ लाख १७ हजार १०२ रुपैयाँ संकलन भइसकेको छ ।
करिब तीन करोड रुपैयाँमा सम्पन्न हुने अनुमान गरिएको उक्त भवन एक वर्षभित्रै सक्ने लक्ष्य लिइएको छ ।
भवन बनाउन जेठको अन्तिम साताबाट शुरु गर्ने तयारी भएको केन्द्रीय सदस्य पोखरेलले बताए ।
