काठमाडौँ । भारतमा जारी इन्डियन प्रिमियर लिग आईपीएल टी–२० क्रिकेटमा लखनउ सुपर जाइन्टसले शानदार जित हासिल गरेको छ । लखनउले उपाधिको प्रमुख दावेदार चेन्नई सुपर किंग्समाथि ८ विकेटको जित निकालेको हो ।
लखनउमा शुक्रबार राति भएको खेलमा पहिले ब्याटिङ गरेको चेन्नईले ६ विकेटको क्षतिमा १७६ रन बनायो । रविन्द्र जडेजाले ४० बलमा अविजित रहँदै ५७ रन बनाएको इनिङ्समा अजिन्क्या रहानेले २४ बलमा ३६, मोइन अलीले २० बलमा ३० तथा महेन्द्र सिंह धोनीले ९ बलमा २८ रन जोेडे ।
क्रुनाल पाण्डेयाले २ विकेट लिए । जवाफमा लखनउले १९ ओभरमै २ विकेटको क्षतिमा ठूलो जित हासिल गर्यो । कप्तान केएल राहुलले ५३ बलमा ८२, क्विन्टन डि ककले ४३ बलमा ५४ तथा निकोलस पुरनले १२ बलमा अविजित रहँदै २३ रन बनाए ।
अंक तालिका
७ खेलबाट १२ अंकसहित राजस्थान रोयल्स शीर्ष स्थानमा रहेको छ । कोलकाता नाइट राइडर्स, चेन्नई सुपर किंग्स, सनराइजर्स हैदराबाद र लखनउ सुपर जाइन्टसले समान ८ अंक जोडेका छन् ।
दिल्ली क्यापिटल्स, मुम्बई इन्डियन्स र गुजरात टाइटान्सको समान ६ अंक छ । पञ्जाब किंग्सको ४ तथा रोयल च्यालेन्जर्स बैंगलुरूको २ अंक छ ।
आजको खेल
आज एउटामात्र खेल हुँदैछ । बेलुकी दिल्लीमा दिल्ली क्यापिटल्स र सनराइजर्स हैदराबाद भिड्दै छन् ।
