-
-
-
-
काठमाडौँ । अमेरिका र वेष्ट इन्डिजको संयुक्त आयोजनामा हुने टी–२० विश्वकपका लागि भारतीय टिमको घोषणा भएको छ ।
जुन २ तारिखदेखि हुने विश्वकपका लागि रोहित शर्माको कप्तानीमा १५ सदस्यीय भारतीय टिमको घोषणा भएको हो ।
भारतमा जारी इन्डियन प्रिमियर लिग आईपीएलको प्रदर्शनलाईसमेत मध्यनजर गरी टिमको घोषणा गरिएको हो ।
टिममा हार्दिक पाण्डेया (उपकप्तान), यशस्वि जैशवाल, विराट कोहली, सूर्यकुमार यादव, ऋषभ पन्त, सन्जु म्यामसन, शिवम दुबे, रविन्द्र जडेजा, अक्षर पटेल, कुलदीप यादव, युजभेन्द्र चहल, अर्शदीप सिंह, जसप्रित बुमराह र मोहम्मद सिराज रहेका छन् ।
सन्जु र ऋषभलाई आईपीएलको प्रदर्शनका आधारमा टिममा सामेल गरिएको हो ।
शुबमन गिल, खलिल अहमद, रिंकु सिंह र आवेश खान वैकल्पिक खेलाडी रहेका छन् ।
भारतको प्रतिक्षित खेल पाकिस्तानसँग ९ जुनमा हुनेछ ।
