-
-
-
-
काठमाडौँ । नेपाली कांग्रेसका सांसद डा. सुनीलकुमार शर्माको काठमाडौँ मेडिकल कलेज पब्लिक लिमिटेड (केएमसी) को स्वास्थ्य टोलीले बालकुमारीमा निःशुल्क स्वास्थ्य शिविर आयोजना गरेको छ ।
नेपाल विद्यार्थी संघको आयोजनामा नेशनल कलेज अफ इन्फरमेसन टेक्नोलोजी (एनसीआईटी) को प्राङ्गणमा भएको शिविरमा ५३० बिरामीको निःशुल्क उपचार गरिएको केएमसीका महाप्रबन्धक नारायणप्रसाद दाहालले जानकारी दिए ।
बिरामीमध्ये ४५ जनाको ईसीजी, ७७ जनाको ल्याब परीक्षण र ९८ जनाको भिडियो एक्सरे गरिएको थियो ।
२३ जनाको दाँत खोलिएको थियो भने २२ जना बिरामीलाई शल्यक्रियाका लागि रेफर गरिएको छ । उनीहरुको निःशुल्क शल्यक्रिया गरिने सांसद शर्माले बताए ।
डा. शर्माले सम्हालेपछि केएमसीले सामाजिक उत्तरदायित्व अन्तर्गत देशका विभिन्न भागमा पुगेर निरन्तर निःशुल्क स्वास्थ्य शिविर गर्दै आएको छ ।
