-
-
-
-
काठमाडौँ । भारतमा जारी इन्डियन प्रिमियर लिग आईपीएल टी–२० क्रिकेटको प्लेअफ समीकरण रोमाञ्चक बन्दै गएको छ ।
अहिले कोलकाता नाइट राइडर्स र गुजरात टाइटान्स खेल्दैछन् । यो खेलमा जित हासिल गर्दा कोलकाता क्वालिफायर्समा पुग्नेछ । पराजित हुँदा गुजरात बाहिरिने छ ।
गुजरातले जित हासिल गर्दा भने प्लेअफ सम्भावना जीवितै हुनेछ यसअघि रोयल च्यालेन्जर्स बैंगलुरूले भने सनसनीपूर्ण प्रदर्शन गर्दै आएको छ ।
कुनै समय प्लेअफ समीकरणबाट लगभग बाहिरिएको बैंगलुरूले पछिल्ला खेलहरुमा लगातार सफलता हासिल गरेसँगै प्लेअफको सम्भावना अझै जीवित राखेको छ ।
गएराति दिल्ली क्यापिटल्सलाई ४७ रनले पराजित गरेपछि आरसीबीको सम्भावना जीवितै रहेको हो ।
अंक तालिका
१२ खेलबाट १८ अंकको कोलकाता नाइट राइडर्स शीर्ष स्थानमा रहेको छ । १२ खेलबाटै १६ अंकको राजस्थान रोयल्स दोस्रो स्थानमा छ ।
१३ खेलबाट १४ अंकको चेन्नई सुपर किंग्सको तेसैो स्थानमा छ । १२ खेलबाट १४ अंकको सनराइजर्स हैदराबाद चौथो स्थानमा छ ।
१३ खेलबाट समान १२ अंकका रोयल च्यालेन्जर्स बैंगलुरू र दिल्ली क्यापिटल्सको प्लेअफ सम्भावना कम भए पनि गणितीय सम्भावना जीवितै छ ।
१२ खेलबाट लखनउ सुपर जाइन्टसको १२ अंक छ । उसको पनि प्लेअफ सम्भावना जीवितै छ । गुजरातको १२ खेलबाट १० अंक छ र अझै प्लेअफ होडबाट बाहिरिएको छैन ।
८ अंकका मुम्बई इन्डियन्स र पञ्जाब किंग्स भने बाहिरिएका छन् ।
