दलीय सदस्यता नत्यागे खेलकुद मन्त्रालयले स्काउट पदाधिकारीलाई कारबाही गर्ने
हाम्रा कुरा
प्रकाशित २०८१ जेठ १ मंगलबार
2.1k
Shares
तस्बिर – फाइल ।
काठमाडौँ । युवा तथा खेलकुद मन्त्रालयले नेपाल स्काउटका पदाधिकारीहरुलाई राजनैतिक दलको सदस्यता त्याग्न निर्देशन दिएको छ ।
मन्त्रालयले स्काउटका सदस्य कुनै राजनीतिक दलको सदस्य रहेको भए तत्काल सदस्यता त्याग गरी राजनैतिक गतिविधिमा संलग्न नरहेको स्वघोषणा गर्न आग्रह गरेको हो ।
मन्त्रालयले राजनैतिक दलको सदस्यता नलिएको र राजनैतिक गतिविधिमा संलग्न नभएको स्पष्ट व्यवस्था रहेको भन्दै राजनीतिक दलको सदस्यता त्याग नगरे कानूनअनुसार कारबाही गर्ने चेतावनी दिएको हो ।
नेपाल स्काउटमा निर्वाचित पदाधिकारी विभिन्न राजनैतिक दलमा आबद्ध रही राजनैतिक गतिविधिमा सक्रिय रहेकोले कानून बमोजिम कारबाही गर्न भनी स्काउटरबाट उजुरी तथा गुनासो आएको भन्दै मन्त्री विराजभक्त श्रेष्ठले यस विषयमा मन्त्रालयको ध्यानाकर्षण भएको विज्ञप्तिमा उल्लेख छ ।
नेपाल स्काउट ऐन २०५० को दफा १८ (क) को उपदफा (१) मा नेपाल स्काउटको सदस्यको योग्यतासम्बन्धी व्यवस्था गरिएको छ । सोही उपदफाको खण्ड (ख) र (ग) मा राजनैतिक दलको सदस्यता नलिएको र राजनैतिक गतिविधिमा संलग्न नभएको स्पष्ट व्यवस्था रहेको छ ।
