आईपीएलमा चेन्नई र बैंगलुरूबीच भिडन्त, एक टिम प्लेअफमा अर्को बाहिरिने

हाम्रा कुरा

प्रकाशित २०८१ जेठ ५ शनिबार

काठमाडौँ । इण्डियन प्रिमियर लिग (आईपीएल) टी–२० क्रिकेट अन्तर्गत आज एक खेल हुँदैछ । आज चेन्नई सुपर किंग्स र रोयल च्यालेन्जर्स बैंगलोरबीच खेल हुँदैछ । बैंगलुरुमा हुने यो खेल नेपाली समय अनुसार बेलुकी ७ः४५ बजेदेखि शुरु हुनेछ ।

जारी आईपीएलको प्लेअफमा पुग्न दुवै टिमका लागि यो खेल जित्नैपर्ने अवस्था रहेको छ । रोयल च्यालेन्जर्स बैंगलोरले चेन्नईलाई १८ रनको अन्तर वा चेज गर्दा १८.१ ओभर अगाडि जितेमा प्लेअफमा पुग्ने सम्भावना रहेको छ भने चेन्नईले जितेमा वा माथि उल्लेखित भन्दा कम अन्तरमा हार बेहोरेमा प्लेअफमा पुग्ने छ ।

चेन्नईको अहिले १३ खेलमा १४ अंक रहेको छ र चौथो स्थानमा छ भने बैंगलुरु १३ खेलमा १२ अंकसहित छैटौँ स्थानमा रहेको छ ।