संसदको गतिरोधबारे राष्ट्रपतिको चासो, समाधानको पहल भइरहेको प्रधानमन्त्रीको भनाइ

हाम्रा कुरा

प्रकाशित २०८१ जेठ ११ शुक्रबार

काठमाडौँ । राष्ट्रपति रामचन्द्र पाौडेलसँग प्रधानमन्त्री पुष्पकमल दाहालले शुक्रबार बिहान राष्ट्रपति भवन शीतल निवासमा भेट गरेका छन् ।

सो भेटमा राष्ट्रपति पौडेलले जारी संसदको गतिरोधबारे चासो र चिन्ता राखेको राष्ट्रपतिको स्वकीय सचिवालयले जनाएको छ।

सो अवसरमा प्रधानमन्त्री प्रचण्डले आफू समस्या समाधानको पक्षमा रहेको बताउँदै संसदमा जारी गतिरोध अन्त्यका लागि पहल गरिरहेको बताएका थिए ।

यद्यपि गतिरोध अन्त्य गर्नुभन्दा विश्वासको मत लिएर ढुक्क हुन खोजेका प्रचण्डले कांग्रेसको अवरोधबीच विश्वासको मत लिएका थिए । त्यतिमात्र होइन यसको मूल्य कांग्रेसले चुकाउनु पर्ने भन्दै चेतावनीसमेत दिएका थिए ।

कांग्रेससहितका विपक्षी दलहरुले सहकारी ठगी प्रकरणमा मुछिएका गृहमन्त्री रवि लामिछानेमाथि छानबिन गर्न संसदीय छानबिन समिति गठनको माग गरेको छ ।