-
-
-
-
पोखरा । स्याङ्जामा आइतबार राति सवारी दुर्घटना हुँदा एक जनाको ज्यान गएको छ ।
मृत्यु हुनेमा भारत मोतीहारी घर भई हाल स्याङ्जा पुतलीबजार नगरपालिका वडा नं. १ घुम्तीमा बसोबास गर्दै आएका ३५ वर्षीय सुनिलकुमार शाह रहेका छन् ।
जिल्ला प्रहरी कार्यालय स्याङ्जाका सूचना अधिकारी डीएसपी इन्द्रबहादुर रानाका अनुसार आइतबार राति करिब ८ बजे स्याङजाको पुतलीबजार-१४ आमडाँडास्थित भित्री सडकखण्डमा ग२०प ८५६१ नम्बरको मोटरसाइकल अनियन्त्रित भइ सडकबाट करिब ३० मिटर तल खसेर दुर्घटना भएको हो । शाह मोटरसाइकल चालक हुन् ।
दुर्घटनामा गम्भीर घाइते भएका शाहको जिल्ला अस्पतालमा प्राथमिक उपचार पश्चात पोखराको मणिपाल शिक्षण अस्पताल ल्याइएको थियो । उनको उपचारकै क्रममा राति १०ः३० बजे मृत्यु भएको डीएसपी रानाले जानकारी दिए ।
