पोखरा । पोखरा महानगरपालिका वडा नंं ५ फिर्केपुल नजिकै मोटरसाइकल दुर्घटना हुँदा मोटरसाइकल चालकको ज्यान गएको छ ।
मृत्यु हुनेमा मोटरसाइकल चालक बाग्लुङ नगरपालिका वडा नं १२ अमलाचौरका ४१ वर्षीय गणेश आचार्य रहेका छन् ।
मंगलबार राति ११:२० बजे बा४८प ९५७९ नम्बरको मोटरसाइकल बागलुङ बसपार्कबाट जिरो किमितर्फ आउँदै गर्दा अनियन्त्रित भई सडकको डिभाइडरमा ठोक्किँदा दुर्घटना भएको हो ।
दुर्घटनामा गम्भीर घाइते भएका आचार्यको गण्डकी मेडिकल कलेजमा उपचारका क्रममा राति ११ः३७ मा मृत्यु भएको हो ।
दुर्घटनाका सम्बन्धमा अनुसन्धान भइरहेको प्रहरीले जनाएको छ ।
