-
-
-
-
काठमाडौँ । अमेरिका र वेष्ट इन्डिजको संयुक्त आयोजनामा भइरहेको टी–२० विश्वकप क्रिकेटमा इङ्गल्याण्ड र स्कटल्याण्डले अंक बाँडेका छन् ।
वर्षाले ब्रिजटाउनको मैदानमा खेल पूरा हुन नसकेपछि रद्द भएसँगै दुवैले १–१ अंक बाँडेका हुन् ।
शुरुआतमा वर्षाले ढिला शुरु भएको खेलमा ६ ओभरको खेलपछि फेरि वर्षाले खेल रोकिएको थियो ।
१० ओभरको नयाँ खेल तालिका आए पनि स्कटल्याण्डले १० ओभर खेलेपछि फेरि वर्षा भएसँगै खेल रद्द गरिएको हो ।
स्कटल्याण्डले १० ओभरमा कुनै विकेट नगुमाइ ९० रन बनाएको थियो । माइकल जोन्सले ३० बलमा ४५ तथा जर्ज मुन्सीले ३१ बलमा ४१ रन बनाएका थिए ।
यो खेल रद्द भएपछि भने नामिबिया २ अंकसहित पहिलो, स्कटल्याण्ड र इङ्गल्याण्ड १–१ अंकसहित दोस्रो र तेस्रो स्थानमा छन् ।
यो समूहमा ओमान र अष्ट्रेलिया छन् ।
