-
-
-
-
पोखरा । कास्की र तनहुँ गण्डकी प्रदेशस्तरीय पुरुष फुटबल प्रतियोगिताको उपाधिका लागि भिड्ने भएका छन् ।
पोखरा रंगशालामा आज भएको पहिलो सेमिफाइनल खेलमा तनहुँले बागलुङलाई २-१ गोलले पराजित गरी फाइनलको यात्रा तय गरेको हो ।
यस्तै दोस्रो सेमिफाइनल खेलमा कास्कीले म्याग्दीलाई ४-१ गोलले पराजित गरी उपाधि नजिक पुगेको हो ।
फाइनल खेल सोमबार दिउँसो १ बजे सञ्चालन हुने गण्डकी प्रदेश फुटवल संघका महासचिव विनोद गुरुङले जानकारी दिए ।
उपाधि विजेताले नगद दुई लाख र उपविजेताले नगद एक लाख नगद पुरस्कारका साथमा ट्रफी र मेडल प्राप्त गर्नेछन् ।
प्रतियोगिताबाट दशौं राष्ट्रिय खेलकुद प्रतियोगिताका लागि खेलाडी छनोट हुनेछन् ।
