-
-
-
-
पोखरा । पोखरामा आज दिउँसो सवारी दुर्घटना हुँदा एक युवकको ज्यान गएको छ । मृत्यु हुनेमा महानगरपालिका वडा नं. ३२ खोलाछेउ बस्ने २९ वर्षीय सागर तिवारी छन् ।
सडकमा हिंडिरहेका तिवारीलाई पोखरा-९ प्रदर्शनी केन्द्रस्थित ग१क ५३२० नम्बरको ट्रकले ठक्कर दिएको थियो ।
दुर्घटनामा गम्भीर घाइते भएका उनलाई उपचारका लागि पोखरा स्वास्थ्य विज्ञान प्रतिष्ठानको पश्चिमाञ्चल क्षेत्रीय अस्पतालमा लगिएको थियो।
उनको त्यहाँ उपचारको क्रममा केही बेरमै मृत्यु भएको प्रहरीले जनाएको छ ।
ट्रक चालकलाई प्रहरीले नियन्त्रणमा लिएर अनुसन्धान गरिरहेको जनाएको छ ।
