-
-
-
-
काठमाडौँ । काठमाडौँ उपत्यकामा यो वर्षकै सर्वाधिक गर्मी भएको छ । शनिबारको अधिकतम तापक्रम ३५.३ डिग्री सेल्सियस मापन गरिएको छ । मौसम पूर्वानुमान महाशाखाका मौसमविद् मीनकुमार अर्यालले यो वर्षकै सर्वाधिक गर्मी काठमाडौँमा भएको बताए ।
यसअघि महाशाखाले बिहान जारी गरेको बुलेटिनमा भने शनिबार तापक्रम कम भएर शीतल हुने उल्लेख थियो ।
यसबारेमा मौसमविद् अर्यालले मापन गर्ने प्रविधि सही नभएका कारणले यसै भन्न नसकिने बताए ।
काठमाडौँमा यसअघि सन् १९८९ को मे ७ तारिखमा ३६.६ डिग्री सेल्सियस रहेको थियो । त्यो नै अहिलेसम्मकै सर्वाधिक हो ।
यसपालि भने निरन्तर ३४ डिग्रीमा लामो समय बसेकाले पनि काठमाडौँ उपत्यका उकुसमुकुस भएको छ ।
