काठमाडौँ । अमेरिका र वेष्ट इन्डिजको संयुक्त आयोजनामा भइरहेको टी–२० विश्वकप क्रिकेटमा सुपर आठको समीकरण पूरा भएको छ । समूह चरणका खेलहरु मंगलबार बिहान सकिने भए पनि सुपर आठ प्रवेश गर्ने टिमहरुको भने टुंगो लागेको हो ।
सुपर आठमा भारत, अफगानिस्तान, बंगलादेश, अस्ट्रेलिया, अमेरिका, इङ्गल्याण्ड, वेस्ट इन्डिज र दक्षिण अफ्रिका पुगेका छन् ।
सुपर आठको समूह १ मा भारत, अस्ट्रेलिया, अफगानिस्तान र बंगलादेश रहेका छन् भने समूह २ मा अमेरिका, इङल्याण्ड, वेस्ट इन्डिज र दक्षिण अफ्रिका रहेका छन् ।
सुपर आठको दुई समूहमा रहेका देशले एक अर्कासँग एक–एक खेल खेलेपछि शीर्ष दुई देश सेमिफाइनलमा पुग्ने छन् ।
अब सुपर आठका खेलहरु बुधबारदेखि शुरु हुनेछन् । बुधबारको पहिलो खेलमा दक्षिण अफ्रिका र अमेरिका खेल्नेछन् ।
यो विश्वकपबाट नेपाल भने समूह चरणबाट बाहिरिएको छ । नेपालले १ अंकमात्र बटुल्यो । नेपालले दक्षिण अफ्रिका र बंगलादेशविरुद्ध शानदार बलिङ्ग गरेर प्रशंसा भने बटुलेको छ ।