-
-
-
-
पोखरा । पोखरामा सवारी दुर्घटना हुँदा एक महिलाको ज्यान गएको छ । पोखरा महानगरपालिका वडा नं. २७ तालचाेकमा बसले किच्दा कास्कीको मादी गाउँपालिका वडा नं. ९ मिजुरे घर भइ हाल पोखरा-२९ आदर्शचोक बस्दै आएकी करिब ४२ वर्षकी बुद्धीसरा नेपालीको ज्यान गएको हो ।
जिल्ला प्रहरी कार्यालय कास्कीका अनुसार मंगलबार साँझ ६ः५५ बजे पोखराबाट दमौलीतर्फ जाँदै गरेको ग१ख ४२२५ नम्बरको बसले किच्दा नेपाली गम्भीर घाइते भएकी थिइन् ।
उनको पोखरा स्वास्थ्य विज्ञान प्रतिष्ठानको पश्चिमाञ्चल क्षेत्रीय अस्पतालमा उपचारको क्रममा ९ः५० बजे चिकित्सकले मृत घोषणा गरेको हो ।
प्रहरीका अनुसार ती महिला सोही बसमा सवार रहेको र तालचोकमा बसबाट झर्न लाग्दा बस अचानक अगाडि बढेको र बसको पछाडिको चक्काले किचेको हो ।
बस र बस चालक पोखरा-२६ जलधारेका ३२ वर्षका कमल विकलाई डाँडाकोनाक प्रहरी चौकीको नियन्त्रणमा छन् ।
