-
-
-
-
काठमाडौँ । टी–२० विश्वकप क्रिकेटको सेमिफाइनलमा पुगेर कीर्तिमान रचेको अफगानिस्तानले सेमिफाइनलमा भने बिर्सनयोग्य प्रदर्शन गरेको छ ।
दक्षिण अफ्रिकाविरुद्धको सेमिफाइनलमा अफगानिस्तानले कमजोर प्रदर्शन गरेको हो ।
टारोउवामा भइरहेको खेलमा टस जितेर पहिले ब्याटिङ गरेको अफगानिस्तानले ११.५ ओभरमा अलआउट हुँदै ५६ रनमात्र बनाउन सक्यो ।
अज्मतुल्लाह ओमरजाईले मात्र दोहोरो अंक जोड्ने क्रममा १० रन बनाए । सर्वाधिक १३ रन भने अतिरिक्तका रुपमा आएको थियो ।
दक्षिण अफ्रिकाका लागि मार्को जासेन र तबरैज शाम्सीले ३–३ तथा कागिसो रबाडा र एन्रिच नोट्जेले समान २–२ विकेट लिए ।
दक्षिण अफ्रिका पनि विश्वकपमा अभागी टिम रहँदै आएको छ । अहिलेसम्म कुनै पनि उपाधि जितेको छैन । यो अर्थमा इतिहास नजिक पुगेको छ ।
