-
-
-
-
पोखरा । अविरल वर्षासँगै स्याङ्जामा पहिरोले घर पुरिँदा आमाछोरीको घटनास्थलमै मृत्यु भएको छ । मृत्यु हुनेमा फेदीखोला गाउँपालिका वडा नं. ५ बांगेका ३१ वर्षीया दुर्गा जिटी र उनकी छोरी ३ वर्षीया निसिका जिटी छन् ।
जिल्ला प्रहरी कार्यालय स्याङ्जाका अनुसार गएराति ११ः३० बजे घरमाथिबाट आएको पहिरोले घर र गोठ पुरिँदा उनीहरुको मृत्यु भएको हो । साथै सो घटनामा गोठमा रहेको एउटा भैंसीसमेत मरेको प्रहरीले जनाएको छ ।
