सांसद शर्माको केएमसीको टोली पाँचखालमा, ५५५ बिरामीको उपचार
हाम्रा कुरा
प्रकाशित २०८१ असार १७ सोमबार
1.9k
Shares
काठमाडौँ । नेपाली कांग्रेसका सांसद डा. सुनीलकुमार शर्माको काठमाडौँ मेडिकल कलेज पब्लिक लिमिटेड (केएमसी) को स्वास्थ्य टोलीले काभ्रेपलाञ्चोकको पाँचखालमा निःशुल्क स्वास्थ्य शिविर गरेको छ ।
विभिन्न संस्थाको आयोजनामा पाँचखालको भक्रमदेवी मावि पाँचखाल–२ मा आयोजित स्वास्थ्य शिविरमा ५५५ बिरामीको निःशुल्क उपचार गरिएको केएमसीका प्रबन्धक नारायणप्रसाद दाहालले जानकारी दिए ।
बिरामीमध्ये ६५ जनाको ईसीजी, ३१ जनाको ल्याब परीक्षण र ८८ जनाको भिडियो एक्सरे गरिएको थियो ।
१८ जनाको दाँत खोलिएको छ ।
४२ जना बिरामीलाई शल्यक्रियाका लागि केएमसी अस्पतालमा रेफर गरिएको छ ।
डा. शर्माले सम्हालेपछि केएमसीले सेवा सुविधा थपेको छ भने सामाजिक उत्तरदायित्व अन्तर्गत देशका विभिन्न भागमा पुगेर निरन्तर निःशुल्क स्वास्थ्य शिविर गर्दै आएको छ ।
