-
-
-
-
काठमाडौँ । प्रधानमन्त्री एवं माओवादी केन्द्रका अध्यक्ष पुष्पकमल दाहाल प्रचण्ड राष्ट्रपति रामचन्द्र पौडेललाई भेट्न शीतल निवास पुगेका छन् ।
सत्ता समीकरण बदलिएको सन्दर्भमा छलफल गर्न प्रधानमन्त्री प्रचण्ड शीतल निवास पुगेका हुन् ।
उनले राष्ट्रपति पौडेललाई तत्काल सरकार नछाड्ने र छाड्नु परे संसदमा विश्वासको मत लिएरमात्र छाड्ने निर्णय सुनाएको बुझिएको छ ।
यसअघि मंगलबार बिहान बसेको माओवादीको पदाधिकारी बैठकले सरकार नछाड्ने निर्णय गरेको थियो ।
एमालेले विश्वासको मत फिर्ता लिएको जनाएको सन्दर्भमा त्यसको सामना गर्ने निर्णय पनि माओवादीले गरेको छ ।
एमालेले विश्वासको मत फिर्ता लिएपछि विश्वासको मत लिने समय एक महिना बाँकी रहने पनि माओवादीले जनाएको छ ।
माओवादीका प्रवक्ता अग्निप्रसाद सापकोटाले विश्वासको मत फिर्ता लिए संसदबाट विश्वासको मत लिने निर्णय भएको बताए ।
संविधानअनुसार सत्ताधारी कुनै दलले विश्वासको मत फिर्ता लिए एक महिनाभित्र संसदबाट विश्वासको मत लिनुपर्ने व्यवस्था छ ।
तर ठूलो घटकले नै समथन फिर्ता लिएपछि प्रधानमन्त्रीले विश्वासको मत लिइरहनु पर्ने आवश्यकता छैन । उनले स्वविवेकले राजीनामा दिन सक्छन् ।
प्रचण्डले भने विश्वासको मत लिने प्रयत्न स्वरुप अन्य दलहरुसँग छलफल चलाउने निर्णयसमेत पार्टीबाट गराएका छन् ।
प्रचण्ड राष्ट्रपति रामचन्द्र पौडेलले गलत कदम नचालुन् भनेरै शीतल निवास पुगेका हुन् ।
