पोखरा । स्याङ्जामा आज बिहान खोलाले बगाउँदा एक जनाको ज्यान गएको छ ।
मृत्यु हुनेमा पुतलीबजार नगरपालिका वडा नं.१ वीरेन्द्रनगरका ७४ वर्षीय तिलबहादुर भुजेल छन् ।
आज बिहान ७ः४५ बजे वीरेन्द्रनगरस्थित अरगौदी खोला तर्नेक्रममा भुजेललाई बगाएको हो ।
उनको तत्कालै उद्धार गरी उपचारका लागि जिल्ला अस्पताल स्याङ्जा पुर्याइएकोमा चिकित्सकले मृत घोषणा गरेको जिल्ला प्रहरी कार्यालका सूचना अधिकारी डीएसपी इन्द्रबहादुर रानाले जानकारी दिए ।