-
-
-
-
पोखरा । सडक माथिबाट पहिरो खसेपछि पृथ्वी राजमार्ग फेरि अबरुद्ध भएको छ ।
धादिङको सलाङघाट नजिकै शुक्रबार बिहान करिब ३ बजे पहिरो खसेर पृथ्वी राजमार्ग अवरुद्ध भएको हो ।
मंगलबार, बुधबार र बिहीबार पनि पहिरो खसेर पृथ्वी राजमार्ग अवरुद्ध भएको थियो । यी ३ दिनमा खसेका थुप्रै पहिरोहरु पन्छाउने कार्य अझै पूर्ण हुन सकेको छैन ।
अविरल वर्षासँगै पहिरो खस्ने क्रम जारी छ र राजमार्ग घण्टौँ अवरुद्ध हुने गरेको छ । जसका कारण यात्रु सास्ती खेप्न बाध्य छन् ।
प्रहरीले राजमार्गको अवस्था बुझेर मात्र यात्रामा निस्कन आग्रह गरेको छ ।
