अठार घण्टा खटिएका मन्त्री पाण्डे भन्छन् - म निष्ठापूर्वक काम गर्न प्रतिबद्व छु
हाम्रा कुरा
प्रकाशित २०८१ साउन १९ शनिबार
346
Shares
काठमाडौँ । संस्कृति,पर्यटन तथा नागरिक उड्डयनमन्त्री बद्री पाण्डेले निष्ठापूर्व काम गर्न प्रतिबद्व रहेको बताएका छन् ।
शुक्रबार नेपाली कांग्रेस पर्यटन विभागद्वारा आयोजित नेपाल लोकतान्त्रिक पर्यटन व्यवसायी सम्बद्व पर्यटन व्यवसायीसँगको छलफल एवम् अन्तरक्रिया कार्यक्रममा बोल्दै उनले उक्त प्रतिबद्वता जनाएका हुन् ।
उनले संस्कृति र प्रकृतिलाई सँगसँगै लिन सकेमा पर्यटनको विकास हुने दाबी गरे । आफू हाल १८ घण्टा मन्त्रालयको काममा खटिएकाले परिणामुखी काम गरेर देखाउने प्रतिबद्वता व्यक्त गरे ।
मन्त्री पाण्डेले पर्यटनमैत्री पर्यटन नीति बन्नेमा पर्यटन व्यवसायीलाई ढुक्क रहन आग्रह गरे ।
उनले आफूलाई पार्टी,नेता र कार्यकर्ताको विश्वासमा कुठाराघात नगरी निष्ठा पूर्वक काम गर्न प्रतिबद्व रहेको बताए।
साथै उनले पर्यटन व्यवसायीहरूलाई व्यक्तिगत लाभका काम नभई समग्र मुलुकको समृद्धि र विकासमा टेवा पुग्ने काम गर्ने प्रतिबद्दता दोहोर्याए । पर्यटन व्यवसायी आफैँमा थिङट्याक्क भएकाले निष्कर्ष र निचोड सहितको सुझाव दिनसमेत उनले आग्रह गरे।
